Enkontru ida ne'e marka prezensa husi prezidenti KPK mezmu tempu
hanesan xefi Suku Betano, xefi irigasaun agrikultur natar Akdiru~oan,
NGO lokal ADIR, NGO Luta Ba Futuru, OPS, Membru KPK aldeia fatin hitu,
Mediador DNPCC / lia nain Suku Betano, Komandante F-FDTL postu Betano,
Xefi Aldeia balun no komunidade.
Iha okaziaun ida ne'e kolia sobre problema oin hira, mak hanesan:
- Grupu deskonnesidu oho arbiru animal iha area entre Betano ho Feriksare Alas. Fasilidade sira uza mak hanesan armas ilegal. Hahalok hirak ne'e konsidera nudar violasaun lei Ambiental, lakopera diak ho parte seguransa (laiha rejistrasaun armas) no estraga populasaun nia balada.
- Loron 13 Setembru 2016, Grupu deskonnesidu naok sasan iha armajen irigasaun natar Akdiru~oan no ameasa traballdor sira nia vida iha fatin refere. Atetude a'at hirak ne'e mosu ba dala haat ona. Presiza asegura servisu iha irigasaun atu kontrola be ba natar nain sira hodi labele afeta produsaun agrikula.
- Oknum balun fan rai iha Suku Betano ba ema seluk, laiha konnesimentu husi autoridade lokal.
- KPK deskonfia atividade Orgaun 8 ne'ebe halao kobransa no treinamentu ba komunidade balun iha Betano.
- Komunidade lakonkorda ho deklarasaun proppriedade rai 130 hektares iha Suku Betano Aldeia Loro.
